Transcription
1
Monsieur, jay receu votre lettre du IIe octobre. Je vous remercye de la
2
bonne souvenance quil vous plaict avoir de moy et vouldrois
3
bien avoir le moyen vous faire quelque bon service et si locasion
4
se presentoyt, vous vouldrois prier men donner advis et ne
5
failhirey de vous aller trouver et my employerey autant et plus
6
voluntiers que pour gentilhome de ce royaulme. Des nouvelles
7
ny a aultres, fors que lon attend monsieur le mareschal d’Anvile
8
de jour en jour en Advignon. Bien est ce que jay entendu quil
9
ne debvoit arriver que jusques à dimenche prochain à Lyon.
10
Monsieur le conte est encores malade à Barbentane, sans fievre
11
toutesfoys, ayant mal dyeulx et une poulx que les medecins
12
ne trouvent pas fort bonne. Monsieur de Carces est parti pour aller
13
trouver ledict sieur mareschal. Monsieur de Mondragon na jamais
14
habandoné ledit sieur conte à Selon et je croy que sa compagnye
15
la resjouy autant que rien. Et sur ce, ne vous ferey plus
16
longue lettre, fors que je prie le Createur après avoir presenté
17
mes humbles recommandations à votre bonne grace, vous donner
18
Monsieur, en très bonne santé longue et heureuse vie. De votre
19
maison à La Tour d’Aigues, le XIe octobre 1572
20Votre humble voisin et [barré : aff ] serviteur
21
Cental